رمضانيات من وحي مولانا

1-

مسحراتي عاشقها
وبادعي للي
حالقها
تروق وتصفي
البهيه
ام الجرس والادان
والعتره والجدعان
والاصل
والمفهوميه
وصبايا آخر
حنان
والحرفه والفنان
ريحه الزمان
الزكيه
ومبدأ الانسانيه
والنخوه
والايمان
ان قلت كان
ياما كان
خلي الحلق
في الودان
وافتح لبكره
البيبان
بالجهل والتجهيل
الليل هايطرح
ليل
ولاعيش ولا حريه
ولامجد للاوطان
الشمس ترضي
وصوتنا يسمعنا
ومصر تبقي
الكلمه والمعني
بالعلم
نحيا وفجرنا
هيبان
اصحي ياغافل
اسس
البنيــــــــــــــــــــــــــان

2-

مقبلاتي مبحراتي
وف كل شبر
بعشق حاراتي
ده انا المتيم مسحراتي
ياعم سيد
الشعب سيد
هو اللي علَي
هو اللي شيد
هو اللي يعدل الاحوال
ويشيل مرارة الصبر م الموال
اما اللي طاطي
لجل السباطه
نابه منابه
واللي عتق شال
اصحي ياغافل .. اصخي ياغافل
تعدل اللي مال
رمضــــــــــــــــان كــــــــــــــــريم
مصطفي الدويك

3-

ايام ماكنتي
تزققيني كلام
فاكر صبانا
وضحكة الهتمه
والخلق حزمه
مشدودين بحزام
قبل القلوب
المليانين عتمه
لفيت اسحر
من بلاد لبلاد
لاطاب لي مشيي
ولاحنيت لصوت
طبلي
وازاي تطيب لي
فرقة الحاره
عربان صحاري
دمروا الاحلام
اصحي ياغافل … اصحي ياغافل
شبنا لقدام
رمضان ……. كريم

4-

طاير ماطارش
عقد لي
طرف لساني
محلا الالف من
بعد حرف اللام
محلا الخطاوي
لو تكون قدام
كل البيوت مواويل
كل المتاع هلاهيل
كل البيبان اسوار
والظلم فاجر
زي عين الشمس
مخنوق يابكره
من خيانة الامس
حتي الحمام والندي
ركبوله لجام
والعدل اخرس
وابن ناسه عويل
اصحي ياغافل …. اصحي ياغافل
اصحي وحد العادل
رمضان كـــــــــــــــــــــريم

5-

شهر الصيام
مارق
وانا لسه عندي
كلام
الكلمه ورد في سبحة
الايام
يافجر متعلق
علي الابواب
من باب زويله
اللي عرف طومان
وكل من قام يعدل
الميله
وايد وحيده
عايزه ايد تانيه
لجلن تسقف بيوت
وتخضر الكيله
كان نفسي افرح
بالعيال والناس
واطوف
بطبلي ع الوتر حساس
يافاتح الاحضان
للعلم والكراس
كلمة وطن ماتتكتبش
حروف
والسمكه تبدأ
في الفساد م الراس
كتافي
مابتتعبش م الشيله
من الف ليله
حتي دي الليله
اصحي ياغافل ….. اصحي ياغافل
واحضن الكراس
رمضان كريمرمضانيات
مدد يامولانا